1. HABERLER

  2. GUNCEL

  3. Akat Ata: Feraseta qetliyama Parîs û Roboskiyê heman in
Akat Ata: Feraseta qetliyama Parîs û Roboskiyê heman in

Akat Ata: Feraseta qetliyama Parîs û Roboskiyê heman in

Endamên DOKH'ê ji bo bîranîna her sê jinên azad ên ku li Parîsê hatin qetilkirin bernama bîranînê li darxistin û bi sedan kes tevlî bernameyê bû.

A+A-

Di bernamayê de Parlementera BDP Ayla Akat Ata axivî û diyar kir ku li gel hemû hewldanên jinan hêj kûjerê qetliyamê dernekxistinê holê û hesap ji kûjeran ne hatiye xwestin.

 

ÊLIH - Endamên Tevgera Jinên Azad û Demokratîk (DOKH) li Êlihê, ji bo bîranîna pêşenga PKK'ê Sakîne Cansiz, Fîdan Dogan û Leyla Şaylemez ên ku di 9'ê çile sala 2013’an de ku li Parîsê hatin qetilkirin bernameya bîranînê li darxist. Bername li Mala Gel a Mehmet Sîncar a li Taxa Petrolkentê pêk hat û bi sedan kes tevlî bûn. Li salona bîranînê Posterên Rêberê PKK Abdullah Ocalan, her sê jinên kurd, endamên PKK û HPG'ê yên ku demên cûda de jiyana xwe ji dest dabûn, alên PKK û KCK û her wiha pankartên "Slav ji rêhevalên ku dilên wan ji bo azadiyê lê dide" û "Têkoşîna we dê riya me ronî bike, em we ji bîr nakin û nadin ji bîrkirin" hatin daliqandin. Di bernameya bîranînê de Parelementera BDP'ê ya Êlihê Ayla Akat Ata, namzetên hevserokên şaredariya Êlihê Gulîstan Akel u Sabrî Ozdemîr, Endamên Înîsiyatîfa Dayikên Aşîtiyê, endamên BUO-DER û Meclîsa Ciwanên BDP'a Êlihê, tevkarên DOKH'ê û bi sedan kes amade bûn. Bername bi deqîqeyek rêzgirtinê destpêkir û pişt re sînevzoyenek ji bîranîna her sê jinan pêk dihat hate pêşandan. Jin û dayik li ber pêşandana sînevziyonê hestewar bûn û rondik ji çavê wan bariyan. Balkêş bû ku  ji ber tevlîbûna zêde ya welatiyan cih li salonê nema û welatiyan li ser piyan li bernameyê temaşe kir.

Akat Ata: Banga şermezarkirina qetliyamê li gelê Êlihê kir

Piştî pêşandana sînevziyonê Parlementer Ayla Akat Ata axivî û diyar kir ku her tim qetliyam bûne para gelê kurd û got ku qetliyama Parîsê jî wek Zîlan, Agirî û Dêrsimê ye. Ata, anî ziman ku di dîrokê de heta niha gelê kurd her tim li şehîd û nirxê xwe xwedî derketiye û di vê pêvajoyê de pêwîste gel rola xwedî derketina li nirxên bileyîze. Ata, bal kişand ser dîroka qetliyama Parîsê û wiha got: "Ev saleke li gel hemû hewldan û çalakiyên jinan hêj jî kûjer û berpirsyarên qetliyamê dernexistine holê. Ev qetliyam di encama li hevkirina hêzên navnetewî û dewleta Tirkiyê de ev hovîtî pêk hatiye. Kî fermana qetliyam Roboskiyê dabe, fermana vê qetliyama Parîsê jî wan kesan daye. Berpirsyarên qetliyamê xwedî heman ferasetê ne. Em ê li gel hemû astengiya bi rihê berxwedanê xwedî li têkoşîna her sê hevalinên me derbikevin." Ata, diyar kir ku gelê Êlihê her tim li şehîd û nirxên xwe bi rihê seferberiyê derketiye û bang kir ku roja 9'ê çile jî gelê Êlihê dakeve kolan û qadan qetliyamê şermezar bike.

Piştî axafitna Ata, dîsa sînevziyon hate pêşandan û bername bi dawî bû. 

 

ata-(2).jpg

ata-(4).jpg

ata-(7).jpg

Bu haber toplam 631 defa okunmuştur
Önceki ve Sonraki Haberler

HABERE YORUM KAT

UYARI: Küfür, hakaret, rencide edici cümleler veya imalar, inançlara saldırı içeren, imla kuralları ile yazılmamış,
Türkçe karakter kullanılmayan ve büyük harflerle yazılmış yorumlar onaylanmamaktadır.