Kiliçdaroglu: Ez guherîm pêwîst e CHP jî biguhere
Navenda Nûçeyan – Sibe şemî 16ê Çile dê 35mîn Kongreya Asayî ya Partiya Komarî ya Gel (CHP) li bajarê Enqere ya paytexta Tirkiyê were lidarxistin.
Rojek berî lidarketina kongreyê, îro Serokê CHPê Kemal Kiliçdaroglu di daxuyaniyekê de daxwaza pêkanîna guhertinan di nav CHPê de kir.
Kiliçdaroglu ragihand, ew bi xwe guheriye û pêwîst e CHP jî xwe biguherîne, ji ber ku bi gotina wî cemawerê CHPê guhertinan dixwaze.
Kiliçdaroglu got, kongreya vê carê ya CHPê dê bi dirûşma demokrasî û guhertin û dostatî were lidarxistin.
Serokê Giştî yê CHPê herwiha got: “Hemû kes behsa guhertinan dikin, ez jî guherîm, pêwîst e CHP jî biguhere. Ewa ku neguheriye, guhertin bi xwe ye.”
Derbarê rikeberiyên bo seroaktiya CHPê de jî, Kiliçdaroglu destnîşan kir: “Ez dixwazim Mistefa Balbay rêkar û îmzayên pêwîst bo namzedbûna xwe kom bike, ji ber ku bi rikeberiyê coşa kongreyê zêdetir dibe û pirrengtir dibe.”(rudaw)
Türkçe karakter kullanılmayan ve büyük harflerle yazılmış yorumlar onaylanmamaktadır.