1. HABERLER

  2. GUNCEL

  3. Li Mêrdînê, ji ber şer kirêya xaniyan biha bûye
Li Mêrdînê, ji ber şer kirêya xaniyan biha bûye

Li Mêrdînê, ji ber şer kirêya xaniyan biha bûye

Welatiyên navçeya Nisêbînê ya Mêrdînê ku ji ber şer û pevçûnan malên xwe terikandine û çûne Mêrdîn û navçeyên wê yên din, ji zêdekirina kirêya xaniyan gazinan dikin û dibêjin ku piraniya emlakçiyan vê rewşa han wek derfet dibînin û kirê biha kirine.

A+A-

 

Li Nisêbînê ku qedexeya derketina derve ketiye roja 14an, gelek malbatên ku ji ber şer û operasyonan koçî Qoser, Midyad û navçeyên din kirine, careke din mexdûr dibin û li wan deran jî xanî bi dest wan nakevin, ji ber ku kirê hatiye girankirin.

 

Welatiyek ku ligel malbata xwe koçî Midyadê kiriye, ji Rûdawê re got ku rewşa wan xirab e ji ber xwediyê xaniyan gelek hincetan tînin û dema mêvanek jî tê sergiraniyan dikin.

 

Wî welatiyê Nisêbînê ku ji ber rewşa ewlekariyê nexwest navê wî were eşkerekirin, wiha axifî: “Kes ji kêfa, mal û bajarê xwe bicîh nahêle, em neçar bûn, lê mixabin li van deran jî niha pirsgirêka peydakirina xaniyan heye, ji ber ku Nisêbîn vala bûye û hemûyan berê xwe dane Midyad û Qoser û hinek jî çûne gundan ba xizim û merivên xwe.”

 

Pirsgirêka herî serekî ya wan malbetên ku neçar mane ji ber şer birevin, peydakirina xaniyan e. Kirêya xaniyan ku beriya şer nêzîkî 100-150 dolarî bû niha bûye 250 heta 300 dolaran.

 

Nifûsa Nisêbînê ku zêdeyî 120 hezar kesan e, ji sedî 70ê ji bajêr derketine û niha belavî bajar û bajarokên din ên Tirkiye û Bakurê Kurdistanê bûne.

Bu haber toplam 894 defa okunmuştur
Önceki ve Sonraki Haberler

HABERE YORUM KAT

UYARI: Küfür, hakaret, rencide edici cümleler veya imalar, inançlara saldırı içeren, imla kuralları ile yazılmamış,
Türkçe karakter kullanılmayan ve büyük harflerle yazılmış yorumlar onaylanmamaktadır.