1. HABERLER

  2. GUNCEL

  3. Namezetê BDP’ê yê Çeçen: Ez serbilindim
Namezetê BDP’ê yê Çeçen: Ez serbilindim

Namezetê BDP’ê yê Çeçen: Ez serbilindim

Namzedê BDP’ê yê Çeçen ku ji bajaroka Serînova (Artet) a Mûşê Alî Ekber Yildiz diyar kir ku ew rêveberiya xweser, demokratîk û zayenda azad di pejirînin û wiha got: "Ez serbilindim ku wekî kesekî Çeçen bi gelê kurd re têkoşînê Didim."

A+A-

MÛŞ - Bajaroka Serînova ku 35 kîlometreyan ji Mûşê dure û gelên wekî Laz, Tirk, Kurd û Çeçen jiyan dikin, namzedê BDP’ê yê bi eslê xwe Çeçen Alî Ekber Yildiz behsa xebatên xwe kir û weke kesekî Çeçen çawa di BDP’ê de cih girtiye kir. Yildiz da zanîn ku mezinên wan ji Kafkasyayê koç kirine, bi salan li Mûşê jiyan kirine û bang li gelê Tirkiyeyê kir ku dinava BDP’ê de cihbigirin. 

Yildiz destnîşan kir ku BDP ji partiyên sîstemê cuda ye û wiha got: "BDP hemû nasnameyên etnîk himbêz dike. Ji ber vê ez tevlî BDP’ê bûm û ezê heya dawî bi wan re bixebitim. Em rêveberiya xweser, demokratîk û zayenda azad dipejirînin. Di roja meya îro de gelên Çeçen, Ermenî û Tirkî jî weke gelê Kurd tên perçiqandin. BDP jî mafê gelên li Tirkiyeyê diparêze. Ji ber vê yekê ez BDP’i me û bi vê jî serbilindim.” Yildiz, anî ziman ku ew kurdî baş dizane û ew ji ber gelek kes bi awayekî pêşdaraz li gelê kurd mêze dike tevlî  BDP’ê bûye.

Yildiz bilêv kir ku Serokwezîr Recep Tayyîp Erdogan gotiye 'li Tirkiyeyê 26 nasnemeyên etnîk hene' û wiha got: "Gelan her tim xwestine bi hevre bijîn lê îktîdar hertim xwestiye wan ji hev cuda bike. Ger ez hilbijartinê qezenc bikim ezê pirsgirêka avê ya bajarokê çareserbikim, ezê ji bo faaliyetên spor werin kirin salonan çêbikim, ji bo jinan ezê atolyeyan avabikim û ezê di rêveberiyê de cih bidim gelê bajarokê û jinan."

Yildiz da zanîn ku bajaroka Serînova xwedî zengîniyek çandiye, her gel dikare bi zimanê dayîkê perwerde bibe û wiha dawî li axaftina xwe anî: "Bi Fransî, Îngilîzî perwerde çêdibe, çima bi Çeçenî, kurdî û Lazî perwerde nebe? Em vê pêkanînê qebûl nakîn."

Bu haber toplam 699 defa okunmuştur
Önceki ve Sonraki Haberler

HABERE YORUM KAT

UYARI: Küfür, hakaret, rencide edici cümleler veya imalar, inançlara saldırı içeren, imla kuralları ile yazılmamış,
Türkçe karakter kullanılmayan ve büyük harflerle yazılmış yorumlar onaylanmamaktadır.