Navenda Çapemeniyê ya YPG'ê li ser pevçûnên dawî yên li kantonên Cizîr û Kobanê daxuyaniyek da. YPG'ê ragihandin ku di berxwedana Kobanê de li hemberî komên çete li başûrê Kobanê êrîşeke berfireh dan destpêkirin û wiha got: "Li gundên Qil Heyde, Sepeta Ereban û rêbenda Dîcleyê pevçûnên dijwar qewimîne. Di pevçûnên li vê derê yên bi hêz û çekên teqwiye yên çeteyan rû dan de 22 çeteyên DAIŞ'ê hatine kuştin."
YPG'ê da zanîn ku şerê li başûrê Kantona Cizîrê berdewam dike û wiha pê de çû: "Pevçûnên li rojava û başûrê Kantona Cizîrê dewam dikin.hêzên me şevê din li hemberî komên çete yên li nêzî gundê Menacir ê Til Temirê çalakiyek pêk anî û di pevçûna li qada Girê Fattunê qewimî de 5 çete hatine kuştin. Her wiha hêzên me li hemberî komên çete yên li nêzî gundê Xizêla yê li başûrê Til Hemîsê çalakiyek li dar xistin û di encama vê çalakiyê de 2 çeteyên DAIŞ'ê hatin kuştin."